ಬೆಂಗಳೂರು ನಗರ ಸಂಚಾರ ಪೊಲೀಸ್

ಬೆಂಗಳೂರುನಗರ ಸಂಚಾರಿ ಪೊಲೀಸರಿಗೆ ಅವರ ಕರ್ತವ್ಯದಲ್ಲಿ ನೆರವಾಗಲು ಹಾಗೂ ವಿವಿದ ನಿಯಮಗಳನ್ನು ಜಾರಿಗೊಳಿಸಲು ದಿನಾಂಕ.೩೦.೦೮.೧೯೮೫ ರಲ್ಲಿ ಬೆಂಗಳೂರುನಗರ ಸಂಚಾರ ವಾರ್ಡನ್ ಸಂಘವು ಅಸ್ತಿತ್ವಕ್ಕೆ ಬಂದಿತ್ತು.

ಅಂದಿನಿಂದ ಬೆಂಗಳೂರುನಗರ ಸಂಚಾರ ವಾರ್ಡನ್ ಸಂಘವು ಬೆಂಗಳೂರು ನಗರ ಸಂಚಾರಿ ಪೊಲೀಸರಿಗೆ ಅವರ ಕಾರ್ಯಾನುಷ್ಠಾನದಲ್ಲಿ ತುಂಬಾ ಪರಿಣಾಮಕಾರಿಯಾಗಿ ನೆರವಾಗುತ್ತಿದೆ. ಎಲ್ಲರ ನಿರೀಕ್ಷೆಯನ್ನು ಮೀರಿ ಬೆಂಗಳೂರುನಗರ ವಾಹನಗಳ ಸಂಖ್ಯೆಯು ಹೆಚ್ಚುತ್ತಿದ್ದು, ಇದರಿಂದ ಪೊಲೀಸರಿಗೆ ನಿರ್ವಹಣೆಯು ತುಂಬಾ ಕಷ್ಠದಾಯಕವಾಗಿದ್ದು, ಇಂತಹ ಶ್ರಮದ ಕರ್ತವ್ಯವನ್ನು ಶಮನಗೊಳಿಸಲು ಬೆಂಗಳೂರುನಗರ ಸಂಚಾರ ವಾರ್ಡನ್ ಸಂಘವು ಪೊಲೀಸರೊಂದಿಗೆ ಭಾಗಿಯಾಗುತ್ತದೆ.

ಬೆಂಗಳೂರುನಗರ ಪೊಲೀಸ್ ಕಮೀಷನರ್‌ರವರು ಬೆಂಗಳೂರುನಗರ ಸಂಚಾರ ವಾರ್ಡನ್ ಸಂಘದ ಮುಖ್ಯಸ್ಥರಾಗಿರುತ್ತಾರೆ. ಈ ಸಂಘಟನೆಯಲ್ಲಿ ವೈಧ್ಯರು, ಇಂಜಿಯನರ್, ವಕೀಲರು, ಶಿಕ್ಷಕರು, ಬ್ಯಾಂಕ್ ಉದ್ಯೋಗಿಗಳು, ಸರ್ಕಾರಿ ಉದ್ಯೋಗಿಗಳು, ವ್ಯಾಪಾರಸ್ಥರು, ಉದ್ದಿಮೆದಾರರು, ಐಟಿ &ಬಿಟಿ ಉದ್ಯೋಗಿಗಳು ಹಾಗೂ ಇತರೆಯವರು ಸದಸ್ಯರಾಗಿರುತ್ತಾರೆ. ಇವರೆಲ್ಲರೂ ಈ ಸಂಘಟನೆಗೆ ಮತ್ತು ಸಾರ್ವಜನಿಕರಿಗೆ ಸೇವೆ ಮಾಡಲು ಸ್ವಯಂ ಇಚ್ಚೆಯಿಂದ ಸೇರಿದವರಾಗಿದ್ದಾರೆ. ಇಂತಹ ಸದಸ್ಯರು ತಮ್ಮ ಪ್ರದೇಶದಲ್ಲಿ ವಾರಕ್ಕೆ ಎರಡು ಭಾರಿ ಕರ್ತವ್ಯ ಮಾಡುತ್ತಾರೆ, ಕೆಲವರು ವಾರಪೂರ್ತಿ ಸಂಚಾರಿ ಪೊಲೀಸರಿಗೆ ಸಹಾಯ ಮಾಡುತ್ತಾರೆ. ಇವರು ವಿಶೇಷ ಸಂದರ್ಭಗಳಾದ ಕ್ರಿಕೆಟ್ ಮ್ಯಾಚ್, ಏರ್ ಶೋ, ಧಾರ್ಮಿಕ ಕಾರ್ಯಕ್ರಮಗಳು ಇತ್ಯಾದಿಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಾರೆ, ಹಾಗೂ ಹಗಲು ಮತ್ತು ರಾತ್ರಿ ವೇಳೆಯಲ್ಲಿ ಸಂಚಾರಿ ಪೊಲೀಸರೊಂ ದಿಗೆ ಕರ್ತವ್ಯ ನಿರ್ವಹಿಸುತ್ತಾರೆ.